من هم عباد الرحمن؟ وماهى صفاتهم؟ شرح " الذين يمشون على الأرض هونا "


بسم الله والصلاة والسلام على رسول الله ..  وبعد …

معادنا النهاردة مع اول صفة من صفات أفضل خلق الله .. واللى ربنا نسبهم ليه ولإسمه العظيم .. وسماهم " عباد الرحمن " .. وهى " الذين يمشون على الأرض هونا " ..

فى البداية عايزين نعرف يعنى ايه كلمة " هونا " !! ..  وهى معناها " السكينة والوقار والتواضع " ..  ودى مش حاجة بسيطة ولا صغيرة والدليل على كدا انها اول صفة من صفات " عباد الرحمن " ..  يعنى ناس بيمشو بكل سكينة وهدوء وتواضع .. لكن مش بإنكسار !! .. والفرق واضح وشاسع .. لأن المسلمسن والمؤمنين لازم تكون هاماتهم شماء .. وفخورين بدينهم وبمكانتهم بين الامم .. لانهم خير امة اخرجت للناس .. وانما بيمشو هاديين مطمئنين .. وبكل تواضع وبدون تكبر على غيرهم من خلق الله .. قال تعالى " ولا تمش فى الأرض مرحا " …

يبقى اتفقنا اننا المفروض نمشى بين الناس بسكينة ووقار .. وتكون لينا هيبة ومكانة بينهم .. لكن زى ماقلنا بكل تواضع ومن غير استكبار على اى حد .. ومن غير مانكون معجبين بنفسنا او مستعليين على الناس .. وكمان نمشى بهدوء من غير تسرع .. ولا حتى واحنا رايحين المسجد متأخرين على الصلاة .. لأن الرسول الكريم صلى الله عليه وسلم قال " إذا أتيتم الصلاة فلا تأتوها وأنتم تسعون..  وائتوها وعليكم السكينة " …

اللهم اجعلنا من عبادك يارحمن ..
اللهم ارزقنا التواضع لك .. وارفعنا به اليك فى الدرجات يارب العالمين …

سبحانك اللهم ربنا وبحمدك .. أشهد أن لا اله الا أنت .. أستغفرك أتوب إليك …
وصلى الله وسلم على نبينا وحبيبنا  " محمد "
والسلام عليكم ورحمة الله وبركاته

شارك الموضوع

مواضيع ذات صلة