‏إظهار الرسائل ذات التسميات دينى. إظهار كافة الرسائل
‏إظهار الرسائل ذات التسميات دينى. إظهار كافة الرسائل

أذكار منسيه فى حياتنا اليومية


قال تعالى "فاذكروني أذكركم" .. كلنا عارفين ان ذكر الله حاجة عظيمة اوى .. بس للاسف متناسينها وغافلين عنها .... ونخلى بالنا على أد عظمة ذكر الله على أد خطورة نسيانه .. "ولا تكونوا كالذين نسوا الله .. فأنساهم أنفسهم"...

أذكار كتير جدا وبسيطة جدا وثوابها عظيم جدا جدا .. لكننا مش بنقول منها غير حاجات بسيطة وكمان مش بنحس بطعمها .. بقينا بنحس اننا بنقولها عشان اتعودنا نقولها وخلاص .. 
وربنا سبحانه وتعالى مخلاش اى عمل ف الدنيا الا وقبله ذكر يتقال الاول .. عشان يكون فى العمل ده بركة ...


للاسف الوقت والمجال ضيقين عليا اوى انى اتكلم عن كل ذكر وفضله لوحده لان زى مانتو عارفين الاذكار كتيــــــرة جدا .. لكن كفاية اذكر امثلة بسيطة منها .. 
1
- "سبحان الله وبحمده" : ..
- "كلمتان خفيفتان على اللسان حبيبتان الى الرحمن سبحان الله وبحمده سبحان الله العظيم"
- " من قال سبحان الله وبحمده غرست له نخلة فى الجنة"
- "من قال حين يصبح وحين يمسي : سبحان الله وبحمده مائة مرة , لم يأت أحد يوم القيامة بأفضل مما جاء به , إلا أحد قال مثل ما قال أو زاد"
- "من قال سبحان الله وبحمده في يوم مائة مرة حطت عنه خطاياه وإن كانت مثل زبد البحر"

2- "الاستغفار" : ..
"فقلت استغفروا ربكم انه كان غفارا .. (طب ايه الفايدة ؟؟) .. يرسل السماء عليكم مدرارا (بالرزق) .. ويمددكم بأموال وبنين (رزق أكبر) .. ويجعل لكم جنات ويجعل لكم أنهارا" .. يعنى فايدة الاستغفار نعيم فى الدنيا .. وجنات فى الاخرة ...
دى أمثلة جميلة اوى من كتير اوى من الاذكار ...
يبقى ان شاء الله من النهاردة عايزين نحافظ على اذكار الصباح والمساء .. ولو حاجات بسيطة منها .. وكمان الاذكار اللى بنقولها قبل اى عمل بنعمله ... وزى ماقلت فى البداية .. كفاية ان رب العالمين يذكر اسمك فى نفسه او فى ملأ من الملايكة ... ولو مفيش اى ثواب للذكر غير ده والله العظيم يكفى اوى اوى ...


اللهم اجعلنا لك ذكارين ولك شكارين واليك منيبين مستغفرين.